Könnun á viðhorfum íbúa til sameiningar sveitarfélaganna Sandgerðis og Garðs

24. janúar

Kæru íbúar í Sandgerði og Garði

Sveitarfélögin Garður og Sandgerðisbær vinna nú saman að greiningu á kostum og göllum sameiningar sveitarfélaganna. Gert er ráð fyrir að vinnunni verði lokið í maí og að í framhaldi af því verði tekin afstaða til þess hvort íbúar munu kjósa um tillögu um sameiningu sveitarfélaganna.

Mikilvægt er að fá fram sjónarmið íbúa Sandgerðis og Garðs til sameiningar og ábendingar um ýmislegt sem málið varðar og íbúum finnst skipta máli.  

Íbúar eru hvattir til þess að taka þátt í könnun og að koma sínum sjónarmiðum og ábendingum á framfæri. Hér er hlekkur sem þú smellir á til þess að taka þátt í könnuninni.

Ráðgjafarfyrirtækið KPMG heldur utan um verkefnið.  Á engan hátt er mögulegt að rekja þátttöku í þessari könnun til þeirra einstaklinga sem taka þátt í henni.

Bæjarstjórnir Garðs og Sandgerðisbæjar hvetja íbúa sveitarfélaganna til þátttöku og að koma þannig sínum sjónarmiðum og ábendingum á framfæri. Æskilegt er að íbúar sveitarfélaganna taki sem virkastan þátt í þessu verkefni.

Í febrúar verður boðað til sérstakra íbúafunda og eru íbúar hvattir til að mæta.  Nánari upplýsingar um íbúafundina verða sendar út síðar.

Þátttaka í könnuninni er opin öllum íbúum á heimasíðum sveitarfélaganna og stendur könnunin yfir frá 25. janúar til 1. febrúar 2017.

Með góðum kveðjum og von um góða þátttöku,

Magnús Stefánsson        Sigrún Árnadóttir
Bæjarstjóri Garði            Bæjarstjóri Sandgerðisbæjar


Þitt sjónarmið skiptir máli

Loftmynd af Garði og Sandgerði.
Færðu mig upp fyrir alla muni!