2788

 

 

Ekkert orð er skrípi, ef það stendur á réttum stað.
- Vettvángur dagsins.

 

 

 

 

 

.

 

 

 

 

 

 

 

 

 

 

 

 

 

 

 

 

 

Innskráning

Garðbúum fjölgar um 91 á árinu 2008

Samkvæmt upplýsingum á vef Hagstofu Íslands voru Garðbúar 1542 talsins þann 1. desember 2008. Á sama tíma árið 2007 voru Garðbúar 1451 talsins. Íbúum bæjarins hefur því fjölgað um 6,3% á milli áranna 2007 og 2008. Nýir íbúar eru boðnir velkomnir í bæinn.

Kvenfélagið Gefn býður Garðmönnum nær og fjær á jólatrésskemmtun sem haldin verður í samkomuhúsinu í Garði, laugardaginn 27. des. n.k. frá kl. 15:00-17:00.

Kvenfélagið hefur staðið fyrir jólatrésskemmtun allt frá árinu 1920 og nú eins og ævinlega, ætlum við að dansa í kringum tréð við dunandi harmonikkuleik, gæða okkur á bakkelsi kvenfélagskvenna og rjúkandi súkkulaðidrykk. Svo höfum við heyrt að jólasveinninn ætli að líta við.

Mætum öll í jólaskapi með börnunum og höfum gaman, saman.
Ath. Frír aðgangur!

Með jólakveðju frá Kvenfélaginu Gefn.

Björgunarsveitin Ægir í Garði stendur þessa dagana fyrir söfnun á gömlum GSM-símum í Garðinum. Söfnun á símunum er liður í fjáröflunar- og endurvinnsluátaki Slysavarnafélagsins Landsbjargar sem gengur undir nafninu „Svaraðu kallinu“.

Gömlu GSM-símarnir verða sendir til endurvinnslu þar sem þeir öðlast nýtt líf og verða sendir til þróunarríkja í Afríku og Asíu.

Björgunarsveitir safna flestar símum á flugeldamörkuðum sínum en þar sem Björgunarsveitin Ægir er ekki með flugeldasölu þá hefur söfnunarkassa verið komið fyrir í verlsun SamkaupStrax í Garðinum. Þar verður kassinn fram á þrettándann og eru Garðbúar og velunnarar björgunarsveitarinnar hvattir til að koma gömlum GSM-símum í söfnunarkassann. Um er að ræða mikilvæga fjáröflun fyrir Björgunarsveitina Ægi og jafnframt þjóðþrifamál þar sem gamlir GSM-símar öðlast nýtt líf í fjarlægu landi.

Heimildarmynd Guðmundar Magnússonar, Undir ljósi garðskagavita, verður sýnd 29. og 30. desember í samkomuhúsinu í Garði kl. 20:00.
Guðmundur hefur unnið að gerð myndarinnar um nokkurt skeið og skilar frá sé metnaðarfullu verki sem segir sögu Garðs og Leiru. Þar sem menn hafa sótt sjóinn og tekist á við náttúruöflin í aldanna rás. Sýningarnar eru hluti af afmælisdagskrá sveitarfélagsins en Guðmundur hefur einnig tekið alla afmælisviðburðina á árinu upp á myndband.

Það verður bíóstemning í samkomuhúsinu og enginn Garðbúi ætti að láta þessa mynd fram hjá sér fara.

Áramótabrenna verður á gamla malarvellinum við Sandgerðisveg á gamlárskvöld.
Kveikt verður í brennunni kl. 20:30 ef veður leyfir.
Flugeldasýning verður kl. 21:00 í boði Sveitarfélagsins Garðs.

Garðbúar! Mætum og fögnum nýju ári saman við áramótabrennuna.

Sveitarfélagið Garður sendir bestu óskir um gleðilegt nýtt ár og þakkar samskipti, samvinnu og heillaóskir í tilefni af 100 ára afmæli sveitarfélagsins á árinu 2008 .

Fundur haldinn í Bæjarstjórn Garðs miðvikudaginn 7. janúar 2009 á bæjarskrifstofunni að Sunnubraut 4 og hefst kl. 17:30.

Dagskrá:

1. Fundargerð 99. fundar bæjarráðs frá 29.12.08.
2. Gjaldskrá ársins 2009.
3. Fjárhagsáætlun 2009 seinni umræða.
4. Auglýsing frá fjármálaráðuneyti um nýtt fasteignamat lögð fram.

Stofnuð hefur verið Markaðsstofa Suðurnesja. Tilgangur hennar er að innleiða faglegt og samræmt markaðsstarf meðal ferðaþjónustuaðila á Suðurnesjum, byggja upp öflugan gagnabanka um hvaðeina er lýtur að þjónustu við ferðamenn og markaðssetja Suðurnes og Reykjanesið fyrir ferðamönnum. Markaðsstofan mun einnig hafa með höndum samskipti við opinbera aðila eins og Ferðamálastofu um markaðssetningu svæðisins erlendis og innanlands.

Fyrsta stjórn Markaðsstofu Suðurnesja hefur verið skipuð þeim Reyni Sveinssyni, sem verður formaður, Óskari Sævarssyni, varaformanni, og Kristjáni Pálssyni. Markaðsstofan er stofnuð af Ferðamálasamtökum Suðurnesja með tilstyrk Sambands sveitarfélaga á Suðurnesjum.

Í tilkynningu frá Markaðsstofunni segir að vonast sé eftir að góð samstaða og samstarf verði við ferðaþjónustuna á Suðurnesjum, Ferðamálastofu og ferðamálastjóra um rekstur Markaðsstofunnar. Mikilvægt sér að ferðaþjónustan á Suðurnesjum nýti sér það sem Markaðsstofan hafi upp á að bjóða.

Þá segir ennfremur að fyrsta verkefni Markaðsstofunnar verði að endurgera heimasíðuna www.reykjanes.is sem verið hefur heimasíða Ferðamálasamtaka Suðurnesja en afhendist nú Markaðsstofunni. Bæklingagerð og sýningarhald ársins verði unnið í samráði við hagsmunaaðila.

Frétt og mynd af vf.is.

Stofnuð hefur verið Markaðsstofa Suðurnesja. Tilgangur hennar er að innleiða faglegt og samræmt markaðsstarf meðal ferðaþjónustuaðila á Suðurnesjum, byggja upp öflugan gagnabanka um hvaðeina er lýtur að þjónustu við ferðamenn og markaðssetja Suðurnes og Reykjanesið fyrir ferðamönnum. Markaðsstofan mun einnig hafa með höndum samskipti við opinbera aðila eins og Ferðamálastofu um markaðssetningu svæðisins erlendis og innanlands.

Fyrsta stjórn Markaðsstofu Suðurnesja hefur verið skipuð þeim Reyni Sveinssyni, sem verður formaður, Óskari Sævarssyni, sem verður varaformaður, og Kristjáni Pálssyni. Markaðsstofan er stofnuð af Ferðamálasamtökum Suðurnesja með tilstyrk Sambands sveitarfélaga á Suðurnesjum.

Í tilkynningu frá Markaðsstofunni segir að vonast sé eftir að góð samstaða og samstarf verði við ferðaþjónustuna á Suðurnesjum, Ferðamálastofu og ferðamálastjóra um rekstur Markaðsstofunnar. Mikilvægt sér að ferðaþjónustan á Suðurnesjum nýti sér það sem Markaðsstofan hafi upp á að bjóða.

Þá segir ennfremur að fyrsta verkefni Markaðsstofunnar verði að endurgera heimasíðuna www.reykjanes.is sem verið hefur heimasíða Ferðamálasamtaka Suðurnesja en afhendist nú Markaðsstofunni. Bæklingagerð og sýningarhald ársins verði unnið í samráði við hagsmunaaðila.

Boðið er upp á valgrein í fatasaumi í Gerðaskóla í vetur. Á síðustu önn hafa nemendurnir verið að hanna og sauma fatnað undir styrkri stjórn Kristínar Ottósdóttur textilkennara. Eins og sjá má á meðfylgjandi myndum er afraksturinn glæsilegur

Færðu mig upp fyrir alla muni!