Útselur (Halichoerus grypus)
Útselur er talsvert stærri en landselur og getur brimillinn orðið nærri 3 m langur og 350 kg að þyngd.  Urtan er talsvert minni eða á stærð við landselsbrimil.  Hann er gildari að framan en landselur.  Höfuðlagið er besta greiningareinkennið, minnir á hestshaus, stórt og nokkuð frammjótt.  Útselir sjást stundum í sjónum við Garðsskaga og stöku selir sitja þar upp.