Þúfutittlingur  (Anthus pratensis)
Lítill og einkennasnauður spörfugl, en einn af okkar bestu söngfuglum og syngur á flugi. Hann er að mestu brúngulur, ljósari að neðan, bringan rákótt. Stélið er fremur langt, með hvítum jöðrum. Goggurinn fínlegur. Þúfutittlingur er einn algengasti og útbreiddasti mófugl landsins. Lengd 14-15 cm, þyngd um 17 g, vænghaf 22-25 cm. Þúfutittlingur kemur uppúr miðjum apríl og leitar þá oftast beint á varpstöðvarnar. Hann er útbreiddur í Garði og um allt Rosmhvalanes.  Síðsumars og á haustin er þúfutittlingurinn í hópum í fjörum, en einnig í mýrlendi og víðar. Þeir eru að mestu farnir í lok september, en slæðingur sést þó fram yfir miðjan október.