Fýll (Fulmarus glacialis)
Sjófugl af ætt pípunasa. Fýllinn er hvítleitur á höfði og að neðan, en gráleitur að ofan og með dökka vængbrodda. Auðgreindur frá máfum á fluglaginu, tekur fáein vængjatök og lætur sig svo svífa á stífum vængjunum. Ofan á gildum goggnum eru nasirnar í pípum. Lengd 45-56 cm, þyngd um 1 kg, vænghaf 102-112 cm. Hann sést við Garðsskaga frá því í janúar fram í október, oftast á flugi útifyrir, stundum í stórum hópum. Algengur varpfugl í fuglabjörgum Suðurkjálkans.