Í Slysavarnadeild kvenna í Garði eru félagskonur orðnar um það bil 32.  Aðalfundir eru oftast í janúar til mars ár hvert, (fjórir fundir), þeir eru haldnir í Þorsteinsbúð, húsi björgunarsveitarinnar.  Þar eru málefni rædd, boðnar góðar veitingar og farið með gamanmál af ýmsu tagi.

Fjáröflunarleiðir síðastliðin ár hafa verið kleinusala, blómasala og sala á jólakortum, einnig sér deildin um útleigu á veislusal í Þorsteinsbúð, sem tekur 80 til 100 manns og er vel búinn tækjum og búnaði til veisluhalda.

Deildin starfar með öðrum félögum í Garðinum t.d. í þjóðhátíðarnefnd, sjómannadagsráði og tekur þátt í Þréttándagleði sem haldin er annað hvert ár.  Deildin hefur farið í nokkur styttri ferðalög m.a. í Þórsmörk og haustlitaferð til Þingvalla.

Hægt er að ganga til liðs við deildina með því að hafa samband við stjórnarkonur:

Formaður
Guðrún Pétursdóttir, sími: 422 7260
Gjaldkeri
Guðrún Alfreðsdóttir, sími: 422 7951
Ritari
Elenora K. Árnadóttir, sími: 422 7257

Slysavarnadeild kvenna í Garði var stofnuð 10.mars 1934. 
Aðal hvatamenn að stofnun hennar voru þau frú Matthildur Finnsdóttir og séra Eiríkur Brynjólfsson, sóknarprestur á Útskálum og var hann ætíð góður stuðningsmaður deildarinnar, alltaf reiðubúinn að ljá henni lið, ef til hans var leitað.  Áður nefndan dag kallaði hann saman konur þær sem áhuga hefðu fyrir stofnun slysavarnadeildar í byggðarlaginu, mættar voru 32 konur og allar einlæglega þakklátar presti sínum fyrir að hrinda í framkvæmd stofnun þess félags, sem þeim var bæði ljúft og skylt að starfa fyrir.  Þannig var deildin stofnuð með 32 félögum og samþykkt að starfa undir nafninu: Slysavarnadeild kvenna í Garði.  Markmið og tilgangur með stofnun hennar og framtíðarstarfi:  Að sporna við og fækka sjóslysum, drukknunum og öðrum slysum og vinna að því að ávallt sé hjálp fyrir hendi, handa þeim sem í sjávarháska lenda.  Öll vinna félagsbundinna í þágu þeirrar stefnu skyldi vera sjálfboðavinna.  Einnig að ganga til liðs við og starfa með öðrum félögum með sömu markmið innan vébanda Slysavarnafélags Íslands.  S.V.F.Í. stofnað 29.janúar 1928, í stjórn voru kjörnar þessar konur:
formaður, frú Helga Þorsteinsdóttir Gaukstöðum, gjaldkeri, frú Steinunn Steinsdóttir Sólbakka, ritari, frk.Una Guðmundsdóttir Sjólyst, meðstjórnendur, frú Guðmunda Eggertsdóttir og frú Ásdís Káradóttir.  Varastjórn, frúrnar, Matthildur Finnsdóttir, Jórunn Ólafsdóttir, Pálína Þorleifsdóttir, Guðrún Jónasdóttir, Þorbjörg Sigmundsdóttir.  Ein höfuðástæða þess að gengið var til stofnunar deildarinnar var að í ljósi atburða, sem öllum var þá í fersku minni, þurfti og mátti ekki draga að útvega sérstök sjóbjörgunartæki við hæfi staðhátta og til notkunar í heimabyggð.
Fyrsta ætlunarverk stofnfélaganna var að gefa vinnu sína til öflunar fjármuna fyrir þeim tækjum, einnig að framvegis væri deildin til staðar varðandi endurnýjun þeirra og útvegun annarra til viðbótar eftir því sem reynsla sýndi að þyrfti og fáanleg væru hverju sinni.  Gekk þeim starfið vonum framar fljótt og vel, því með öflugu fjáröflunarstarfi á félagssvæðinu og að höfðu samráði
Við erindreka S.V.F.Í Jón E. Bergsveinsson fékk deildin 1935 fullkomnustu sjóbjörgunartæki, sem fáanlega voru og við hæfi staðhátta í Garði (fluglínutæki með björgunarstól) og lét byggja skýli yfir þau á Garðskagatá og skilyrt var af hálfu S.V.F.Í fyri útvegun þeirra, þess vegna var 1944 byggt nýtt stærra skýli yfir bátinn og tækin flutt í að þótti öruggast að geyma öll björgunartækin á sama stað.  Umsjá og stjórn við notkun þeirra hafði Jóhannes Jónsson á Gaukstöðum og voru menn í byggðarlaginu reiðubúnir til hjálpar þegar þurfti og æfðu þeir nú samviskusamlega, að skjóta með línubyssunni og aðra meðferð tækjanna.  Fyrst reyndi á tækin og færni manna með þau til björgunar mannslífum á jólanótt 1937 þegar togarinn Regal frá Grimsby strandaði á grynningum út af Gerðahólma og öllum skipverjum bjargað heilum og á lífi með tækjunum.  1958 var formlega stofnuð björgunarsveit, endurstofnuð 1969 með 24 félögum og reynslu hinna elstu björgunarmanna að bakhjarli, nú í dag björgunarsveitin Ægir Garði, sérhæfð sjóbjörgunarsveit.  Aðal hvatamenn að stofnun Ægis voru Þorsteinn Jóhannesson Reynistað Garði og Hannes Þ. Hafstein fltr S.V.F.Í ásamt slysavarnardeild kvenna í Garði með frú Ásdísi Káradóttur í fylkingabrjósti, lagði kvennadeildin til nýjan slöngubjörgunarbát, talstöð og búninga, einnig svo sem við mátti búast af duglegum konum að laga til í skýlinu og koma þar fyrir tæki til upphitunar.  Síðan 24.mars 1969 hefur björgunarsveitin haft sjálfstæða aðild að S.V.F.Í og starfar sjálfstætt.  Með þátttöku sinni í formlegri stofnun sveitarinnar, var í fyrsta skipti endurnýjaður búnaður hennar, þá var gamli björgunarbáturinn ónýtur og önnur tæki úr sér gengin.  Frá 31.maí 1998 er Björgunarsveitin í rúmgóðu eigin húsnæði, sem hýsir mikilvægustu björgunarstöð í landinu í Þorsteinsbúð